වෙනත් සේවාවන්
මෙම දෙපාර්තමේන්තුව යටතේ ඇති සියලුම තාක්ෂණ විද්‍යාල/කාර්මික විද්‍යාලවල වෘත්තීය මාර්ගෝපදේශන නිලධාරියෙකු යටතේ වෘත්තීය මාර්ගෝපදේශන ඒකකයක් ස්ථාපිත කොට ඇත. මෙම මධ්‍යස්ථාන මගින් පුහුණුවට/රැකියාවකට යොමු වීමට කැමති තරුණ තරුණියන්, පාසැල් සිසුන්, ගුරුවරුන්, පාසැල් අධ්‍යාපනය අවසන්කල සිසුන්, දෙමාපියන්, වැඩිහිටියන් හා අනෙකුත් රාජ්‍ය හා ස්වේච්ඡා සංවිධාන වල නිලධාරීන් සඳහා දැනුවත් කිරීමේ වැඩසටහන් ක්‍රියාත්මක කිරීම සහ සුදුසු පරිදි ඒ ඒ ප්‍රදේශ වල පැවැත්වෙන ප්‍රදර්ශන කටයුතු සඳහා සහභාගිත්වය ලබාදේ.
තාක්ෂණ විද්‍යාල/කාර්මික විද්‍යාලවල පූර්ණ කාලීන පාඨමාලා හදාරා අවසන් කල සිසුන් සඳහා රැකියා ගත කිරීමේ වැඩපිළිවෙලක් පහත සඳහන් පරිදි ක්‍රියාත්මක කරනු ලබයි.
වෘත්තීය අධ්‍යාපනය නිමකල සහතික ලාභීන්, ස්වයං රැකියා ආරම්භ කිරීමට බලාපොරොත්තු වන තරුණ තරුණියන් හා දැනට ස්වයං රැකියා පවත්වාගෙන යනු ලබන තරුණ තරුණියන් සඳහා ව්‍යවසායකත්ව සංවර්ධන වැඩසටහන් වෘත්තීය මාර්ගෝපදේශන ඒකකය මගින් පහත සඳහන් අයුරින් සිදුකරනු ලබයි.
නිපුණතා සංවර්ධන ව්‍යාපෘතිය මගින් ව්‍යවසායකත්ව සංවර්ධනයට අදාලව උපදෙස් අත්පොතක් නිකුත් කර ඇත. මේ සම්බන්ධව වැඩි විස්තර සඳහා ආසන්නතම තාක්ෂණ විද්‍යාලයේ/කාර්මික විද්‍යාලයේ වෘත්තීය මාර්ග උපදේශක ඒකකය ඇමතීමෙන් ලබාගත හැකිය.
වෘත්තීය පුහුණුව මගින් හෝ වෘත්තීයක නියැලීමෙන් දැනටමත් ලබා ඇති නිපුණතාවයන් ඇගයීමකට ලක් කොට (Recognition of Prior Learning – RPL) ජාතික වෘත්තීය සුදුසුකම් (NVQ) සහතික ලබා දීම මෙයින් අදහස් කෙරේ.
කාර්මික අධ්‍යාපන හා පුහුණු කිරීමේ දෙපාර්තමේන්තුව යටතේ ඇති පහත සඳහන් කාර්මික විද්‍යාල මගින් හඳුනාගත් ක්ෂේත්‍ර සඳහා RPL යටතේ NVQ සහතික ලබා ගැනීම සඳහා ඉල්ලුම්පතක් ඉදිරිපත් කර රු.250.00 ක් ගෙවා ලියාපදිංචි විය යුතුය.